ရမဇာန်အကြို မှာတမ်း
===============

ရမဇာန်လမြတ်သည်အလွန်အင်မတန်မှ
ဗရ်ကသ်မင်္ဂလာနှင့်ပြည့်စုံသောလတစ်လ
ဖြစ်ပေသည်။ထိုလမြတ်တွင်နေ့အခါ၌ရိုဇာဥပုဒ်စောင့်ထိန်းခြင်းသည်ဖရဇ်ဖြစ်၍ညအခါ၌သာရာဝီးဟ်နမားဇ်ဝတ်ပြုခြင်းသည်စန္နသ်ဖြစ်ပေသည်။ထို့ပြင်ဤလမြတ်တွင်ထူးကဲမွန်မြတ်သောညတစ်ညလည်းပါဝင်ပေသည်။ထိုညတွင်နိုးကြား၍အေဗာဒသ်လုပ်ခြင်း၏အကျိုးကုသိုလ်မှာလပေါင်းတစ်ထောင်ထက်သာမြတ်လေသည်။ထိုလမြတ်တွင်ကောင်းမှုတစ်ခုတိုင်း၏အကျိုးကုသိုလ်မှာအဆပေါင်းခုနှစ်ဆယ်တိုး၍ရရှိပေသည်။ဤလမြတ်တွင်ဂျန္နသ်၏တံခါးများကိုဖွင့်ထားပေးပြီးဂျဟန္နမ်၏တံခါးများကိုပိတ်ထားလေသည်။ထို့ပြင်ဆိုးသွမ်းသောရှိုင်သွာန်မိစ္ဆာကောင်များကိုချုပ်နှောင်ထားလေသည်။ထိုအရာများအားလုံးသည်အလ္လာဟ်အသျှင်မြတ်၏ရဟ်မသ်မဟာသနားဂရုဏာတော်နှင်မဂ်ဖေရသ်လွတ်ငြိမ်းချမ်းသာခွင့်ပေးခြင်း၏အကြောင်းခံများပင်ဖြစ်ပေသည်။နေ့စဉ်ဖရှိရ်သာကောင်းကင်တမန်များဖြင့်ကြေငြာခိုင်းစေသည်မှာ
အို------အကောင်းလိုလားသူတို့ကောင်းမှုများကိုရှေ့သို့တိုး၍ပြကြကုန်
အို---------
မကောင်းမှုပြုလုပ်သူတို့မကောင်းမှုများကိုရပ်တန်းကရပ်၍ကောင်းခြင်းဖက်သို့လှည့်ကြကုန်။မိမိအရှင်၏အမိန့်တော်များကိုနာခံ၍ဘဝသက်တမ်းကိုကုန်ဆုံးကြကုန်

မွန်မြတ်လှသောရမဇာန်လမြတ်သည်မိမိ၏ဘဝသက်တမ်းကိုကောင်းခြင်းများဖက်သို့လှည့်ရန်၊မိမိနှလုံးသားကိုအလ္လာဟ်အရှင်မြတ်ဖက်သို့လှည့်ရန်ဂျဟန္နမ်ငရဲမီးမှလွတ်မြောက်ရန်ဂျန္နသ်သုခဘုံနန်းသိုအရင်မြတ်ချီးမြင့်ပေးသနားမှုကိုရယူရန်အကောင်းဆုံးသောအချိန်ပင်ဖြစ်ပေသည်။ဤလမြတ်သည်မိမိ၏ဘဝသက်တမ်း၏နောက်ဆုံးကြုံကြိုက်ခွင့်ရသောလမြတ်လည်းဖြစ်နိုင်ပေသည်။သေဆုံးကွယ်လွန်ပြီးနောက်သိန်းသန်းမကမျှော်လင့်တောင်းတမှုဖြစ်တစ်ချိန်တစ်ခါလောက်စဂျေဒါပြုလုပ်ချင်သည်ဖြစ်စေ၊တစ်ကြိမ်တစ်ခါလောက်စွဗ္ဗဟားနလ္လာဟ်ရွတ်ဖတ်ချင်သည်ဆိုပါရင်လည်းအကျိုးကုသိုလ်မရရှိနိုင်ပေ။ဤကဲ့သို့သောအခွင့်ထူးကိုနောက်တစ်ခါပြန်၍မရရှိနိုင်ပေ။

ထိုမွန်မြတ်ထူးကဲလှသောလမြတ်တွင်အလ္လာဟ်အရှင်မြတ်၏ကျေနပ်နှစ်သက်မှုကိုရယူသင့်ပေသည်။လုံးလဝရိယဖြင့်ရိုဇာဥပုဒ်စောင့်ထိန်းခြင်းသာရာဝီးဟ်နမားဇ်ဝတ်ပြုခြင်းများကိုတစ်စိုက်မက်မက်ပြုလုပ်သင့်ပေသည်။ထိုအေဗာဒသ်များပြုလုပ်ရန်အမိန့်ပညတ်ချက်များမှာကျွန်ုပ်တို့၏အကျိုးအတွက်သာလျှင်ဖြစ်ပေသည်။သို့မှသာကျွန်ုပ်တို့သည်အလ္လာဟ်အရှင်မြတ်၏ရဟ်မသ်မဟာသနားဂရုဏာတော်များကိုခံစားခွင့်ရရှိနိုင်ပေမည်။ထိုအမိန့်ပညတ်ချက်များမရှိဘူးဆိုလျှင်မွန်မြတ်သောလမြတ်၏တန်ဖိုးရှိသောအချိန်များမှာမေ့လျှော့ခြင်းနှင့်သာကုန်ဆုံးသွားပေမည်။ထိုကဲ့သို့မေ့လျှော့ခြင်းသည်ကောင်းခြင်းများမှလက်မဲ့ဖြစ်ခြင်းမှလွဲ၍ဘာမှမရှိပေ။

ဗလီတွင်သက္ကဗီးရ်အူလာနှင့်နမားဇ်ဆေက်တည်ရန်အရေးကြီးပေသည်။မည်သည့်နမားဇ်ကိုမှဂျမာအသ်နှင့်မလွတ်ပါစေနှင့်။အိမ်တွင်အိဖ်သာရ်ဝါဖြေရန်ပြင်ဆင်ခြင်းကြောင့်ဗလီတွင်ဂျမာအသ်ကိုမလွတ်မိပါစေနှင်။

ကလီမာသွိုင်ယေဘာ၏ဇိကိရ်၊ဒူရူးဒ်ရှရီးဖ်၊သောင်ဗဟ်အိစ်သေ့ဂ်ဖါများကိုများမြောင်စွာဖတ်သင့်ပေသည်။မည်သည့်အချိန်ကိုမဆိုဇိကိရ်သေလာဝသ်နှင့်လက်မဲ့မဖြစ်ပါစေနှင့်။

ကျမ်းတော်မြတ်ကုရ်အာန်၏သေလာဝသ်ကိုတစ်စိုက်မက်မက်ပြုလုပ်သင့်ပေသည်။စာလုံးတစ်လုံးတိုင်းတစ်လုံးတိုင်းတွင်အကျိုးကုသိုလ်တစ်ရာရရှိပေသည်။

ရိုဇာဟ်ဥပုဒ်စောင့်ထိန်းခြင်း၏အဓိကရည်ရွယ်ချက်မှာသက္ကဝါတရားရယူခြင်း(ဂိုနာပြစ်မှုဒုစရိုက်များမှရှောင်ကျဉ်ခြင်း)ဖြစ်ပေသည်။ဂိုနာပြစ်မှုဒုစရိုက်များကိုမရှောင်ကျဉ်ဘဲရိုဇာဥပုဒ်စောင့်တည်ခြင်းသည်အချီးအနှီးသာဖြစ်ပေသည်။

မျက်လွှာအရှုကိုဂိုနဟ်အကုသိုလ်များမှရှောင်ကျဉ်ရပေမည်။နှုတ်လျှာကိုအထူးထိန်းသိမ်းရပေမည်။ခြေ၊လက်၊နှလုံးသား၊ဦးနှောက်စသည်များကိုလည်းဂိုနာဟ်အကုသိုလ်များမှရှောင်ကျဉ်ရပေမည်။စားခြင်းသောက်ခြင်းကိုရိုဇာဟ်ဥပုဒ်စောင့်ထိန်းသကဲ့သို့ပြစ်မှုဒုစရိုက်များကိုလည်းရိုဇာဟ်ဥပုဒ်စောင့်ထိန်းရပေမည်။စားခြင်းသောက်ခြင်းသည်အိဖ်သာရ်ဝါလွတ်ချိန်ကုန်ဆုံးသွားသောအခါဟလာလ်ပြုပိုင်သည်ဆိုသော်ငြားလည်းဂိုနာဟ်အကုသိုလ်ပြစ်မှုဒုစရိုက်မာမူမည်သည့်အချိန်မှမပြုပိုင်သောကိစ္စဖြစ်လေသည်။ရမဇာန်လတွင်မကမည်သည့်လမှာမဆိုအမြဲတမ်းအတွက်ဟရမ်ဖြစ်လေသည်။သို့ဆိုသောဒီနေရာတွင်ကျွန်ုပ်တို့စဉ်းစားချင့်ချိန်သင့်သည်မှာတစ်နှစ်ပါတ်လုံးပြုပိုင်သောစားခြင်းသောက်ခြင်းကိုရမဇာန်လကိုထောက်ရှုပြီးအလ္လာဟ်အရှင်မြတ်၏အမိန့်တော်ကိုနာခံသောအားဖြင့်စားခြင်းသောက်ခြင်းကိုစွန့်လွတ်သည်ဆိုလျှင်တစ်နှစ်ပတ်လုံးလုံးပြုမပိုင်သောဂိုနာဟ်အကုသိုလ်များကိုအလ္လာဟ်အရှင်မြတ်၏အမိန့်တော်ကိုနာခံသောအားဖြင့်ရှောင်ကျဉ်ရန်မှာပို၍ပို၍ပင်အရေးကြီးပေသည်။

အလ္လာဟ်အရှင်မြတ်၏ရဟ်မသ်မဟာသနားဂရုဏာတော်၊မဂ်ဖေရသ်လွတ်ငြိမ်းချမ်းသာခွင့်ကိုတောင်းခံရာတွင်တစ်ဦးထက်တစ်ဦးဆထက်တစ်ပိုးတိုး၍ကြိုးစားရယူသင့်ပေသည်။မိမိလုပ်ငန်းခွင်များကိုလည်းအတတ်နိုင်ဆုံးအမြန်ဆုံးပြီးအောင်လုပ်ပြီးအတတ်နိုင်ဆုံးများသောအားဖြင့်အချိန်များကိုဗလီ၌သာကုန်ဆုံးသင့်ပေသည်။မိမိ၏အလုပ်သမားများကိုလည်ဤလတွင်သက်ညှာစွာခိုင်းသင့်ပေသည်။

မိမိ၏အိမ်နားနီးချင်းများ၊သူဆင်းရဲများကိုကြည့်ရှုစောင့်ရှောက်ခြင်း၊ခေသမသ်လုပ်ခြင်းသည်လည်းဤလမြတ်၏ထူးခြားသောကောင်းမှုတစ်ခုဖြစ်လေသည်။ဟဒီးစ်တော်တွင်လာရှိသည်မှာတမန်တော်မြတ်(စွ)သည်လမြတ်ရမဇာန်ကိုရောက်လျှင်တစ်ခြားလများထက်သာပို၍ပေးကမ်းရက်ရောလေသည်။

အိဖ်သာရ်ဝါဖြေသောအခါတွင်လည်းသူဆင်းရဲများကိုပါပါဝင်စေသင့်သည်။ပစ္စည်းပစ္စယာများလည်းကူညီသင့်ပေသည်။သို့မှသာသူဆင်းရဲများလည်းလမြတ်ရမဇာန်ကိုစိတ်အေးချမ်းစွာဖြင့်ကုန်ဆုံးနိုင်ပေမည်။
ဤလမြတ်တွင်ဆုမွန်ဒိုအာများကိုများမြောင်စွာတောင်းသင့်ပေသည်။အီမန့်ရှင်များကိုကမ္ဘာအလည်တွင်ဂုဏ်သိက္ခာရရှိရေး၊သာသနာ့ပညာရှင်များ၊ဗလီဝတ်ကျောင်းတော်များ၊သာသနာ့အဆောက်အအုံးများကိုအလ္လာဟ်အရှင်ထိန်းသိမ်းစောင့်ရှောက်ရေး၊ညှင်းပမ်းနှိပ်စက်ခံနေရသောအီမန့်ရှင်မုစလ်မာန်များကိုအလ္လာဟ်အရှင်ဖက်တော်မှအမြန်ဆုံးအကူညီရရှိရေး၊အွမ္မသ်သူအွမ္မသ်သားများအားလုံးကိုဂျဟန္နမ်ငရဲမီးဘေးမှလွတ်ငြိမ်းချမ်းသာခွင့်ရရှိစေရေးတို့ကိုအထူးပင်ဒိုအာပြုလုပ်သင့်သည်။

ဤမွန်မြတ်ထူးကဲလှသောလမြတ်ရမဇာန်ကိုကျွန်ုပ်တို့အားလုံးအကျိုးရှိရှိအသုံးချနိုင်စွမ်း၊အလ္လာဟ်အရှင်မြတ်၏အမလ်အေဗာဒသ်များပြုလုပ်ရင်ကုန်ဆုံးနိုင်စွမ်းအလ္လာဟ်ရှင်ချီးမြှင့်ပေးသနားတော်မူပါစေ။

အာမိန်း

ဆရာ စည်